Астана қаласы әкімдігінің «Арғымақ» ат спорты-сауықтыру кешені» МКҚК қызметкерлері ұлы Абайдың 180 жылдығына қатысты өтіп жатқан челлендж аясында ақынның өлеңін оқыды.
Абай Құнанбайұлы – ұлттық руханиятымыздың биік шыңы. Оның әрбір өлеңі — өмір сабағы, өсиет пен өнегенің қайнар көзі.
Өскеменде паралимпиадалық және бейімделген ат спортынан Федерация кубогының IX ашық республикалық чемпионаты өтті. Жарыстар Паралимпиадалық және Арнайы Олимпиада бағдарламасы аясында ұйымдастырылып, Қазақстанның түрлі өңірлерінен – Маңғыстау, Алматы, Қарағанды, Өскемен, Риддер және Астана қалаларынан (2 клуб) 45 спортшының басын қосты.
Жарысқа елорданың атынан бес параспортшы қатысты. Олардың үшеуі «А» тесті бойынша бастапқы шығу, ал екеуі «В» тесті бойынша өнер көрсетті. Барлығы – «Астана қаласының паралимпиадалық және бейімделген ат спорты федерациясы» қоғамдық бірлестігінің тәрбиеленушілері. Олар «Арғымақ» ат спорты-сауықтыру кешенінің базасында жаттығады.
Қазақстан Республикасының Туризм және спорт министрлігі бұқаралық ақпарат құралдарында тарап жатқан «балаларға спортпен айналысуға тыйым салу» жөніндегі ақпараттарға қатысты түсініктеме беруді қажет деп санайды. Аталған мәлімдемелер 2025 жылғы 16 шілдеде бекітілген №133 бұйрыққа сәйкес келмейді.
Бүгінде елімізде 4 пен 17 жас аралығындағы 5,1 миллионнан астам бала мен жасөспірім тұрақты түрде спортпен айналысады. Жарыстар – спорттық дайындықтың бір бөлігі ретінде белгілі бір физикалық және эмоциялық жүктемелермен байланысты. Осыған орай, министрлік жарыстарға қатысу үшін ең төменгі жас шегін белгіледі. Бұл, ең алдымен, балалардың денсаулығын қорғауға және ерте жаста жарақат алу қаупін азайтуға бағытталған.
Жас шектеулері спорт федерацияларының ұсынысы негізінде әзірленіп, Денсаулық сақтау министрлігімен келісілген және халықаралық стандарттарға сай келеді. Бұл талаптар тек жарыстарға қатысуға қатысты. Ал балаларды спорт мектептеріне, үйірмелерге және спорт резервін даярлайтын өзге де мекемелерге қабылдауға ешқандай шектеу қойылмайды.
Осылайша, «спортпен айналысуға тыйым салынды» деген хабарламалар шындыққа жанаспайды. Бұл жерде тек жарыстарға қатысуға қойылатын жас талаптары туралы айтылып отыр.
Жас ерекшеліктеріне байланысты қойылған шектеулер жөніндегі толық ақпарат жоғарыдағы кестеде көрсетілген.
Алматы облысындағы Almaty Horse & Polo Club аумағында конкурден Қазақстан чемпионаты өтті. Жарыстың басты мақсаты – конкур сайысында болашағынан үміт күттіретін спорттық жылқыларды анықтау.
Чемпионатқа Астана, Алматы, Шымкент қалалары мен Алматы облысының спортшылары қатысты. 4 пен 7 жас аралығындағы жылқылар 80-130 см биіктегі кедергілермен жабдықталған маршруттарда сынға түсті.
Қазылар алқасы шабандоз бен жылқы арасындағы өзара әрекеттестікті, кедергілерді бағындыру техникасы мен стилін, сондай-ақ жылдамдықты бағалады. Бұл қасиеттер болашақта халықаралық ірі турнирлерде табысты өнер көрсету үшін аса маңызды.
Ат спорты әлемін ашыңыз!
Астана қ., Нұра ауданы
Қарқаралы Тас Жолы, 1
Baiqymyz fest 2025